عمر كمال يتعرّض للسخرية بسبب صورته قبل الشهرة.. كيف ردّ على المتنمّرين؟
تداول ناشطون على الإنترنت صورة قديمة للفنان المصري عمر كمال قبل الشهرة، حيث بدا بوزنٍ زائد وهو الأمر الّذي عرّضه للسخرية.
بدوره، نشر الفنان عمر كمال الصورة المُتداولة وردّ على المتنمّرين بالقول “كلّ ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند، ألاقى ناس كتيرة حطالي صورتي اللي ع اليمين في الكومنتات من باب السخرية”.
وتابع “حتى الصورة اللي منزلها لوالدتي وبعبّر عن حبىي ليها عشان عيد ميلادها منزلين الصورة من باب السخرية. عايز اردّ عليهم وأقولهم والله الحمد لله على شكلي في جميع مراحل حياتي وديه حاجة انا مش بتكسف منها واديني نزّلت الصورة اهو للناس في بوست عشان تشوفها ومش مكسوف”.
واضاف عمر كمال “الصورة اللي ع اليمين ديه لانسان كان معندهوش رفاهية انه يروح للدكتور يتابع معاه رچيم او يروح للچيم او حتى عنده وقت يفكر في شكله.. انسان كان كل همه يشوف السرير بعد يومه الطويل عشان يصحى ليوم تاني أصعب”.
وختم كمال قائلاً “مش مهم كنت ايه المهم بقيت ايه، اشتغلت على نفسي وبكرم وفضل ربنا اشتغلت الحاجة اللى بحبها، وركبت العربية اللي بحلم بيها، وكوّنت نفسي، وعملت وضع واسم لنفسي، وربنا جعلني سبب في اني شايل مسؤولية ناس وفاتح بيوت ناس كتير من غير جنيه من بابي ومامى ولا مساعدة حد غير ربنا ثم دراعى… أشك لو انت انسان عندك حاجة مفيدة في حياتك تعملها او عندك هدف في حياتك ان يبقى عندك وقت تدوّر على صور حد وتسخر منه. صدّقني الحياة مفيهاش وقت تضيعه في الكلام ده شوف حاجة أفيد واعملها”.
