اللبناني موسى زغيب: عالأرض لما الفرس بتوقّع الخيال… بيكون منو خرج يربح سبق فيهــا

قصيدة زجل مميزة للشاعر اللبناني فئة الزجل الملك موسى زغيب :

لما عا صدرك بكي وتمرجح السلسال
خلف البلوز العم تزهّـر عراويها
ترجّيت آدم يجي من عتمة الأجيال
وأسرار اول مرا للناس يحكيها
قلي يا ابني المرا البيطوعوها قلال
ما زال حوا اللي صدري ضلع عاطيها
ما كان في بالدني غيري ولا رجّال
ومع كل هيدا التقى شيطان يغريها
ما قنعت قلي مبلى طمّ المرا بالمال
وذهّب حجار الدرج وعل مشّيهــــا
وغفي عيونا على مخدة فضاوة بال
بيضل يمرق حلم خلفك يوعيهــا
قلّي ل بيوعّي المرا يا آدم الأهمال
ونقص الرعايي من البيكون راعيها
وعالأرض لما الفرس بتوقع الخيال
بيكون منو خرج يربح سبق فيهــا
يا بنات حوا شهدو انو الزغيبي قال
انتو الشموع الما فيها الريح تطفيها
شو نفع كان الدني ان كانت ملاني رجال
وما كان فيها مرا تضوي لياليها

اضغط للقراءة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى