(وفـ ـاة الثائر محمد شعبان تهز مواقع التواصل)… (رفاقه ينعونه “بطل ساحة الثورة”)

خاص عرب فرست – ضجت وسائل التواصل الاجتماعي بخبر وفاة الثائر محمد شعبان بعد صراعه مع المرض. شعبان كان يحارب سرطان الدم (لوكيميا) ولكنه لم يترك ساحة الثورة في لبنان وكان المندفع الدائم رغم ما كان يمر به.

أصدقاؤه نعوه بألم كبير على وسائل التواصل ذاكرين كل حادثة حصلت معهم بوجود البطل محمد شعبان.

وكتبت لولا حوري : “انت و موجوع كانت البسمة ما تفارق وجك ما كانو بدن يخلوني فوت لعندك قبل العملية ما قبلت لحتى فتت و شفتني، من كم يوم ما قبلت اني شوفك ما كان بدك شوفك تعبان و حالق شعرك وكنت عم تقللي بس بدن يحطولي دم وراجع عالبيت كان عندك امل كبير انك حتقوم و حترجع لبيناتنا المرض كان أقوى منك يا بطل صارعت وناضلت بالساحات اللي ما حتنسى اسمك و كفيت وصارعت المرض وقاومت بس الله بدو ياك حدو بالجنة لأن انت حدا طيب و بتستاهل تكون فوق مطرح ما في عدالة من اول يوم انفجار كنت مع العالم بالطريق و عم تساعد و تحمل الواقعين عالأرض عكتافك هلأ نحنا بدنا نزفك ونحملك عكتافتا و نقلك انو مكملين انت القوة إلنا و موتك حمل عكتافتا لنحقق بلد اللي نزلت تصارع وتناضل لتبنيه الله يرحمك يا حبيب قلبي انت خسارة كبيرة و هالخبر دبحني تمنيت لو ما بعرفك لأن ما عم اتحمل هالخسارة اللي خسرناها كلنا.. قوم شوف الثوار كلن عم يبكو وكلن عم يبعتو فويسات دموعن قبل صوتن عم تنسمع انت محب و خسارة للكل وعد مكملين كرمال تشوف من السما لبنان اللي حلمت فيه انت بطل وشهيد ثورة ١٧ تشرين.”

https://www.facebook.com/lola.houry/posts/10158267392394690

وكتبت رولا الحجار: “كنا بس بدنا نعمل شي للثورة لاقي أول واحد 😞
و تعرفت عهيدا الشب الشهم المحترم و قلتلو أنت قائد الثورة لان عطول حاضر 😞
بس هيدا القائد ما طول ليكفي معنا 😢
الله يرحمك يا #قائدالثورة معرفتي فيك صغيرة بس تأثرت كتير لان كنت خي و بطل و شهم 💔”

https://www.facebook.com/Roro.n.h.a/posts/3858014870951519

مجموعة كبيرة جدا نعت محمد شعبان الذي خسرته الثورة اللبنانية التي اندلعت في 17 تشرين.

Arab1st

مقالات ذات صلة

زر الذهاب إلى الأعلى